Nitwa Munezero Amanda mfite imyaka 27 gahunda ya #Gumamurugo yatangiye mfite umusore dukundana ndetse twari twaremeranyije ko tuzakora ubukwe mu kwezi kwa 9. Imyiteguro imwe n’imwe twari twarayitangiye kuko ukwezi kwa 2 kugitangira namusabye ko yakwimuka akava iwabo akajya kwibana bigatuma dutangira kugura ibikoresho byo munzu. Ubwo yimukiraga mu gipangu atuyemo ubu, ninjye wamuhaye amafaranga yo kugura intebe, kuko nawe yari yaguze ibintu byinshi birimo radiyo, igitanda, matela, amashuka nibindi. Ubwo rero twari twaratangiye kujya tugura ibikoresho tuzakenera mu rugo rwacu, tukabigura turi hamwe dufatanyije. Gahunda ya #Gumamurugo igitangira, twakomeje kujya tuganira kuri phone ariko ntitwongera kubonana hacamo amezi abiri. Ubwo hagati aho hakaba hari umukobwa w’inshuti yanjye magara utuye mu gipangu kiri iruhande neza naho cheri wanjye aba, naramuhamagaraga nkamubwira ngo ajye kwa cheri akore isuku, akubure akorope yoze amasahani n’ibindi nk’ibyo kuko numvaga ko umusore wibana kandi atarabimenyereye atabyishoboza. Umukobwa muzima akagenda akabikora nkumva biranshimishije maze nkanamushimira kuba yitanga agafasha cheri wanjye. Gahunda ya #Gumamurugo irangiye Cherie wanjye yahise asubira mu kazi namuhamagara ngo tubonane akambwira ngo yagize akazi kenshi, namubwira ngo ansigire urufunguzo njye kumukorera isuku, akambwira ngo yarusigiye wa mukobwa w’inshuti yanjye. Iyo nshuti yanjye nayihamagara ikanga kunyitaba. Mbonye haciyemo iminsi bimeze gutyo nafashe icyemezo cyo kujya kureba cheri wanjye kukazi, kuko numvaga mukumbuye cyane dore ko amezi yari abaye abiri ntamubona. Nkigera kukazi ke yahise ambwira ko yaryamanye naya nshuti yanjye magara none iyo nshuti yanjye yamubwiye ko itwite. Numvise mbaye nk’umusazi, muri make uko namwoherezaga kwa cheri wanjye ngo ajye gukora isuku, yaragendaga agakora isuku yose niyo ntamutumye, kugeza ubwo yashidutse atwite inda y’umukunzi wanjye. Ubu rero niyemeje kumumuharira bari kwitegura kubana vuba. N’ibikoresho byo mu nzu naguze byose narabibatwerereye sinzajya kubibaka, ubu ndi gushaka umusore twakwikundanira utazampemukira ahubwo witeguye kumpoza amarira maze iminsi ndira. Anyandikire inbox.

Kumwandikira inbox Kanda Hano wiyandikishe mu bashaka umukunzi nurangiza kwiyandikisha Ukande hano maze nubona izina rye urikandeho uhite ukanda ahanditse “Message” maze umwoherereze ubutumwa. Niba waramaze kwiyandikisha mu bashaka umukunzi Kanda hano maze nubona izina rye urikandeho uhite ukanda ahanditse “Message” maze umwoherereze ubutumwa cyangwa ukande kuri Chat muganire mu ibanga rikomeye murebana imbonankubone ku ikoranabuhanga rya Webcam.

#

2 Responses

Leave a Reply

Your email address will not be published. Required fields are marked *